Middeleeuws Vlechtwerk

Vader: Willem Everts
Moeder: Sophia N.N.

• schepen te Amersfoort tussen 1525-1525

1492 (4 post Gregorii): Geryt Scaep stelt te goede Willem Willem Evertzoen ende Weim sijn wijff den eigendom van der huysinge
mitter hofstede ende mitte loedse die van outs gelegen is op Havick, deen Aert de Ruge dander Willem van Hagenou [Archief Eemland, Armen de Poth, inv.nr 591, blz.25].
APOTH inv. 591, blz. 25, 1495 (6 post Lucie): Willem Willem Evertzoen ende Weim sijn wijff, Fy Willem Evertzoen weduwe ende Alijt haer dochter mit Ammel Evertzoen momber hebben te goede geschouden Luman Aert Moyenzoen ende Beieraet sijn wijff de hofstede daer dat huys
ende schuer afgebrant is mit alsulck hout ende steen als daer op is ende voert de camer mitter hofstede daer an staende in de Wiver zoe Luman ende Beieraet dat te gebruiken plagen, deen Jacob Stael dander Jan Servaessen.
OAAFT inv. 4172 R748, 24-10-1515: Willam Everts, schepen, zegelt met een wapen met zes lelies, vergezeld in het midden van een jachthoorn. Schildhouder is een adelaar.
OA Amersfoort, Transportregisters 436-2, fol. 47, 1517: Willam Evertz ende Weymgen syn wyff hebben te goede gescouden meyster Aert van Schayck al alsulc goet reede ende onreede liggende off staende tymmer heerlick ende onheerlick ende Brouwketell soe de gelegen syn inden gericht van Amersfoirt met de van uutgescheyden. Meyster Aert van Schayck amt myn momber heeft verhuert Willam Evertz ende Weym syn wyff tot hoeren beyder live toe elx bysonder nae des anders doet dit voirscreven goet te gebruken van meyster Aert voriscreven ds jairs om ses Rynsche gulden current gelts als altyt inder tyty ter betalynge binnen Amersfoirt gangbaer is 20 stuver voir de gulden voirscreven te betalen jairlix op Sinte Laurensen avont. Clais van Hagenouw te goede Willam Evertz ende Weym syn wyff een halve hoste gelege inde Stadts muer inde Crommestraet deen syde Geryt Bot dander syde Willem Evertz mit voirwerden dat dese halve hoste voirscreven nae hoeren beyder doet erven comen sall op Willam Willamz ende op Dywertz Willams dochter.
idem 436-2, fol. 172v, 1523: Willam Evertz ende Weym syn wyff hebben gemaict de alynge husynge ende hoste mitte hoff de dair aff inde stadtmuer staet mitte Brouketell ende mit dat Broutuych soe sy dat ter tyt besitten ende dair sy nu ter tyt in woenen deen syde Jan Dyrckz dander syde Willam Evertz.
idem 436-2, fol.195, 1524: Willem Everts ende Weym syn wyff maken de hoffstede gelegen op Havick aen dat Willam Everts voirscreven sinen soen Willam gegeven heeft deen syde Willem Everts de Jonge dander syde Lysbet Ryc Voss weduwe mit Hoir kinderen na hoer beyder doet te comen ende te erven op Dywer Rutger de Verver Huysvrou. Noch een hoff egelgeen indie Horseweyde die een syde Peter Willamz dander syde Albert Everts oick te coemen ende te erven utsupra. Noch maken die selve oick alsulck goit sy hiuden daichs hebben off noch vercrigen mogen na hoir beyder doet dat te comen ende te erven op Dywer voirscreven ende dese maick altyt te vermeren ende te verminren alst hem geliefft den brieff in hoeren handen.
idem 436-2, fol.199, 1524: Bernt Henrics ende Belye syn wyff scelden te goede Willam Everts ende Weym syn wyff husinge hof hofstede gelgeen op die Camp indie Pothoff de een syde Reyer Luten de ander syde Hijllegont Henrick Vluggen weduwe mit hoir kinders mit voirwairden dat de husinge Hoff ende hofstede voirscreven na Willam ende Weym doist voirscreven comen ende erven sall op Diwer off op Fytgen Dywers dochter ende wairt zayck dat Dywer off Fytge voirscreven storff sonder blikende geboirt achter latende ende sel Ffytgen voirscreven dese husinge hoff ende hofstede voirscreven erven op hair zusters ende broeders sy van hoyrs wegen heefft ende storven hair zuster ende broeders als voirscreven sonder blikende gebiurt achter latende so sal dese husinge hoff ende hofstede wederom comen ende erven op Willam Everts off op sinen rechte erffgenamen.
idem 436-2, fol.120, 1524: Willam Everts ende Weym syn wijff ende Dywer Willams dochter, mit Luman Airt Moy Momber, scelden te goede Henrick Willams ende Geertruyt syn wyff een legen hofstede de gelegen op Havick die een syde Willam Willams Everts de Jonge dander syde Lysbet Ryck Vossen weduwe so de nu gelegen es.